ТА ЗӨВ ХЭМЖЭЭТЭЙ ХӨХӨВЧ ЗҮҮЖ ЧАДДАГ УУ?

Даруулганы хэмжээ нь маш чухал. Шошгон дээр байх олон янзын тоо, үсгэнд будилж түүнээсээ болж буруу хэмжээтэй даруулга авах тохиолдол цөөнгүй байдаг. Нилээдгүй эмэгтэйчүүд өөрт нь таараагүй атал зөв хэмжээ гэж бодож явдаг хоёр хэмжээ байдаг. Хэрэгтнүүд нь 85В болон 80С гэсэн хэмжээнүүд юм.

Дундаж л хэмжээ мэт сонсогдож байгаа биз? Үүнд л асуудал байгаа юм. Олон эмэгтэйчүүд өөрийгөө дундаж хэмжээтэй гэж бодож үүнээсээ болж зөв таарсан даруулга хэрхэн сонгож авахыг суралгүй дэлгүүр хэсдэг.

Даруулганы эмжээр дээш доошоо сул хөдөлж байвал: Хэрэв таны даруулга хамгийн дотор талын дэгээндээ байгаа хэрнээ сул хөдөлж байвал томдсон даруулга хэрэглэж байна гэсэн үг.

Эмжээр томдсон байх бас нэг шинж бол даруулганы мөр доош унжиж эсвэл байнга чангалах хэрэг гарах явдал юм.

Даруулганыхаа арыг толинд хараад үзээрэй хэрвээ эмжээр нь нурууг нь даган тэгш байрлалтай байвал, шалтай паралел байна уу? Тийм бол таарсан байна гэсэн үг. Хэрэв дээш өргөгдсөн байвал танд жижиг размер хэрэгтэй.

Давхар хөх гарч ирсэн бол

Даруулганыхаа урд хэсгийг хар. Хэрэв таны хөх хоёр хажуу эсвэл гол хэсгээрэй аяганаасаа дээш цухуйсан ( давхар хөх гэж хэлэгддэг ) байвал аяганд чинь хангалттай зай байхгүй байна.

Мөн хоёр аяганы голын хэсэг биенд чинь хүрэхгүй, наалдаж байрлаагүй байвал аяганы хэмжээгээ нэмэх болсон байна.

Бүх даруулга адилхан хийгддэгүй. Тал халхлалттай даруулга 34В размер зүүдэг нь бүтэн халхлалттай даруулга 34В таарна гэсэн үг биш юм.

Өөр төрлийн болон брэндээс хамаарч өмсгөл өөр байх боломжтой. Тийм учир хөхөвч зөв сонгох хамгийн зөв арга бол хөхийг зөв хэмжих байдаг.